~*~TAB YAAD TUMHAIN MAIN KERTA HOON~*~

~*~ TAB YAAD TUMHAIN MAIN KERTA HOON ~*~


Yoon be_kal be-kal lamhon mein
Jab bojhal bojhal qadmoon sey
Sahil ki taraf main jata hoon
Tumhein saath mein aksar paata hoon
Jab aati jati maujon sey
be-rabt si baatein karta hoon
Tab yaad tumhein main karta hoon


Kabhi aadhi raat ko uth kar jab
Be-wajah tahla karta hoon
Ya apney kamrey ki khirki sey
Chand ko dekha karta hoon
Aur uss ki thandi roshni ko
Ang ang mein samoya karta hoon
Tab yaad tumhein main karta hoon


Jab waqt k khooni panjoon sey
Main apna app bachata hoon
Kar kar k yaad wo guzrey pal
Main pahron ask bahata hoon
Phir aankhon k tootey taaron sey
Aanchal ko bhigoya karta hoon
Tab yaad tumhein main karta hoon !!